banika.net

Ég er að hugsa um að taka þátt í hárkeppni á vegum Intercoiffure (sem eru alþjóðleg hárgreiðslusamtök). En mig vantar dömu módel til þess að taka þátt. Þetta er klipping og litur og töluverð breyting.

Endilega senda mail á asnabarn@gmail.com ef áhugi er fyrir hendi eða commenta hér á síðuna.

Takk í bili.

Er bandið sem er að blíva í dag. Reyndar er það, eða var, bara svona “one night” band sem giggaði bara þetta eina tiltekna kvöld. Tilefnið var að það var söngkeppni Iðnskólans í Hafnarfirði. Við stelpurnar í bekknum sem eru 8 (en ein forfallaðist) ákváðum seint á mánudag að taka þátt og keppnin var í gærkvöldi. Þetta var gert af hreinni einlægni og alvöru. Settum í okkur rúllur í gær, redduðum geggjuðu átfitti. Fengum svo bróður Öbbu (stofnanda Struggling Lovers) til að gera fyrir okkur lagið. Þetta var ótrúlega flott hjá okkur og lönduðum við 3ja sætinu, af 5 atriðum. Ég segi bara geri aðrir betur.

Ég ætla að láta mynd fylgja, sem gjörsamlega lýsti stemmingunni.

Mér hefur ekkert liðið neitt öðruvísi í dag en á öðrum sunnudögum. Við erum ekkert að halda uppá konudaginn sérstaklega í dag, en Helgi minn eldaði geggjað pizzu í gærkvöldi og við kúrðum. Í kvöld erum við svo að hugsa um að skella okkur í bíó.

En eftir að ég vaknaði í morgun ákvað ég að þrífa aðeins íbúðina. Ég átti alltaf eftir að þrífa rimlagardínurnar sem eru í gluggunum, því þau sem leigðu á undan okkur gerðu það ekki þegar þau skildu við íbúðina. Gardínurnar eru úr viði, svo maður verður að þurrka af rimla fyrir rimla með tusku. Þetta er ógeðslega leiðinlegt og ógeðslegt! Ég skil ekki hvernig það er hægt að skilja þetta eftir óþrifið, því rykið var svó ógeðslega áberandi. Það fyrsta sem maður sá, þegar maður leit útum gluggann. En ég hafði þetta af og líður mikið betur.
Svo skellti ég mér bara í bað og hafði það rosa kósý.

Í gærkvöldi eldaði Helgi, eins og ég sagði áðan. Við horfðum svo á The Curious Case of Benjamin Button. Við náðum reyndar ekki að klára hana, því við sofnuðum. En hún lofar hins vegar góðu, svo ég ætla að klára hana við tækifæri.

Áðan var ég svo að skoða aðeins visir.is og sá að fyrirsögn sem er svo málfræðilega röng að ég fékk sting í augun: “Lifðu þig inní sönginn og meinaðu það!” – og meinaðu það? WHAT? þetta finnst mér fáránlegt. Þetta hljómar ekki einu sinni rétt. Sá eða sú sem skrifar þetta þarf alvarlega að segja þessa setningu upphátt við sjálfan sig og fatta hvað þetta er vitlaust.

-Nóg í bili.

Ég get svo svarið að ég er búin að keyra borgina endilanga og til baka í dag. Ég þurfti að brasa helling og hér er listinn:

* Hitta Eirík, tengdapabba Hannesar sem á íbúðina sem við leigjum, og sækja yfirlýsingu sem þarf að fylgja leigusamningnum í þinglýsingu. Það kostaði ekkert, nema bensín.
* Fara með Stubbu í örmerkingu til dýralæknis. Það kostaði 5700 kall
* Fara svo með vottorð frá dýralækni til heilbrigðiseftirlitsins og skrá hana. Það kostaði FOK**** 16500 kall! Skráningargjald 7500 og Eftirlitsgjald 9500.
* Fara niður í Þjóðskrá að sækja fjölskylduvottorð (í Borgartúni, RVK). Það kostaði 900 kall
* Fara á Sýslumann í Hafnarfirði og þinglýsa leigusamningnum. Það kostaði 2700 kall
* Ég ætlaði líka að skila inn umsókninni fyrir húsaleigubæturnar til Álftanesbæjar, en eintak af leigusamningi þarf að fylgja með því, svo það þarf að bíða fram á mánudag. Veit ekki hvað það mun kosta, en ég bý mig undir það.
* Ég gerði heiðarlega tilraun til að fara með gaskút og skila honum. Hann er tómur og enginn ástæða að fylla á hann ef við eigum annan fullann heima. Það er ekki hægt að fara bara með hann á bensín stöð, heldur þarf að fara með hann eitthvert annað í einhverri götu sem ég fann ekki. Hún var allavega vel falin, og eftir dágóðan rúnt gafst ég upp og fór aftur heim. Svo það verður að bíða betri tíma. Þar hefði ég fengið einhvern pening til baka, en hann fer uppí bensínkostnaðinn sem fer í að keyra og leita að þessum dularfulla stað. Svo þar kem ég út á núlli, eða jafnvel í mínus.

En kostnaðurinn við daginn í dag er: 25.800 kall, fyrir utan bensínkostnaðinn. Og ef ég man rétt, þá þarf að þinglýsa umsókninni fyrir húsaleigubæturnar, svo þar er annar eins peningur sem mér finnst ekki vera þess virði að borga.
Mér finnst fáránlegt að ég borgi konu á Þjóðskránni 900 kall, fyrir að prenta út blað sem segir að ég og Helgi búum á sama stað, í sama sveitafélagi. Ég hefði alveg getað skrifað þessar upplýsingar niður sjálf.
Þinglýsingin kostaði ekki nema 1300 kall síðast þegar ég athugaði (reyndar svolítið langt síðan) en samt. Konan sem afgreiddi mig þar er greinilega frekar leið á lífinu, og finnst ekki gaman að þinglýsa. Miðað við að hún brosti ekki neitt og horfði á mig eins og ég væri nautheimsk, þegar ég skildi ekki alveg hvað hún var að segja. Síðast þegar ég vissi þá borga ég,  hinn almenni skattgreiðandi til íslenska ríkisins, launin hennar.
Á heilbrigðiseftirlitnu, þar sem ég skráði Stubbu, var alveg ágætt. Indælis kona sem tók á móti umsókninni. Henni fannst þó pínu asnalegt að ég hefði ekki farið með Stubbu í einhvern skóla og dældi í mig blöðum og dóti með upplýsingum um skóla og fleira. Og af því að Stubba hefur ekki farið í skóla, þá borgum við meiri eftirlitskostnað (sem felur í sér áminningu um ormarhreinsun og slíkt). Ég veit ekki af hverju ég borga meira af því ég eða Helgi kennum Stubbu sjálf. Mér finnst það frekar asnalegt ef ég má segja alveg eins og er.

Það eina sem mér fannst allt í lagi að borga í dag, var örmerkingin fyrir Stubbu. Stubba fékk þó alla vega verðlaun fyrir hvað hún var dugleg, sæt og góð. Fyrir utan hvað dýralæknirinn var yndisleg í alla staði. Og núna er auðvelt að finna hana og mig ef við týnum hvor annari. Til að toppa það, þá var konan sem var í afgreiðslunni og tók við peningunum mínum þar, nágranni okkar, og býr í blokkinni hérna á móti. Lítill heimur þó svo maður sé í “stórborginni” Reykjavík

Ég ætla að láta þetta duga af biturð í bili. Endilega deilið með mér óþarfa kostnaði sem þið hafið lent í

Það var svo sannarlega mánudagur í mér í dag. Var tæplega að nenna að vakna í morgun, en var samt ekkert þreytt. Keyrði Helga niður í bændahöll þarsem hann sótti bíl og brunaði á Hvanneyri í smá vinnuferð. Ég og Stubba erum því einar heima og verður skrítið að sofa ein í rúminu í nótt.

Í morgun hittumst við Elsa systir á Skype og spjölluðum aðeins. Alís litla var alveg í stuðinu og algjörlega æðislegt að sjá hana aðeins Við náðum ekki að spjalla lengi, en þetta var samt frábært.

Eftir spjallið fórum við Stubba í göngutúr. Ég er að hugsa um að fara alltaf á mánudagsmorgnum í góðann göngutúr með hana. Hún er farin að vera ansi dugleg í bandinu með mér. Hún hefur alltaf verið leiðinleg, en þetta er allt að koma.
Þessi göngutúr er ekki frásögu færandi nema það að þegar við vorum rúmlega hálfnaðar með hringinn okkar rákumst við á hund sem var laus. Ég leyfði honum og Stubbu að sniffa aðeins af hvort öðru og hélt svo áfram. Nema hvað að hann elti okkur og var alltaf fyrir aftan okkur í dágóðan tíma. Eftir smá stund var mér hætt að lítast á blikuna og kíkti á ólina hans, hvort hann væri merktur. Hann var með spjald sem stóð á Gassi og svo var símanúmer. Ég hringdi í þetta númer en fékk ekkert svar. Þar sem við vorum komin ansi nálægt grunnskólanum og leikskólanum, fannst mér ekki sniðugt að hann vafraði um laus. Þá labbar fram hjá mér kona og ég spyr hana hvort hún kannist eitthvað við hundinn, því ég væri nýflutt og þekkti engann þarna. Hún sagðist þá líka vera nýflutt svo við vorum báðar jafn áttavilltar. Hún hálpaði mér að ath hvar eigandinn ætti heima og samkvæmt já.is var símanúmerið skráð í Hveragerði. Mér fannst ansi ólíklegt að hundurinn hafi komst á Álftanes frá Hveragerði. Stuttu seinna kom svo kona sem bjó hinum megin við götuna sem ég var í og bauðst til að lána okkur band til að binda hann við staur. Hún sagðist hafa séð hann þarna í hverfinu á vappinu í nokkra daga.
Þessi saga er orðinn miklu lengri en ég ætlaði að hafa hana. En þetta endaði með því að ég hringdi í Heilbrigðiseftirlit Garðabæjar, sem sér um dýrahald fyrir Álftanes og tilkynnti um hundinn. Maðurinn sem ég talaði við kom svo stuttu seinna og sótti greyins Gassa. Hann var mjög horaður og mjög óöruggur þetta grey. Ég hins vegar veit að þetta er mikil hlaupategund og þeir eru grannir að eðilisfari, en þetta fannst mér mjög óeðlilegt.

Mitt góðverk fyrir daginn í dag var að bjarga honum Gassa litla, sem var ansi týndur. Ég vona að það sé hægt að hafa ofan af eigandanum og að hann komist heim í bað, mat og umhyggju.

Látum þetta vera gott í bili.

p.s. Ég setti inn myndir í 2009 albúmið frá flutningunum og íbúðinni sem við erum í núna. Ég hef ákveðið að læsa albúmunum, en ekki vera feimin við að senda mér mail og fá lykilorðin